umuulan na naman, mayat maya baka mag brown out ulit. hindi ko nailabas ang motor ko maghapon. pagka galing ko sa trabaho nakapark lang sa labas. nanood muna ako ng dvd bago natulog nag alas dose ng tanghali. mamayang gabi balik trabaho na naman.
ganun lang kasimple ang buhay dito, pag uwi sa bahay, nood ng tv/dvd tapos tulog hanggang alas sinko ng hapon. mag aantay ng alas otso ng gabi paalis na naman papuntang trabaho. palibhasa wala pa akong lisensya para mailabas ang motor sa tinitirhan kong subdivision, iniiwan ko na lang eto sa gate at binabalikan sa umaga pag uwi. malaking bawas din sa pamasahe ng tricycle na p40 ang singilan mula sa bahay hanggang sa labas ng subdivision. sana magkaroon na ng rota ng jeep dito sa amin para yung iba na wala pang sasakyan ay makatipid sa pamasahe. low cost housing lang kami dito at karamihan ng mga nakatira dito ay low income earners lang, tapos tinataga kami sa pamasahe. sana mapag tuunan din ito ng pansin ng mga nasa gobyerno at sa namamahala ng centella homes at greenbreeze subdivision sa rodriguez bayan ng rizal.
No comments:
Post a Comment